Seguridade Social

Fillos que dan dereito á prestación

Serán causantes o terceiro fillo nacido ou adoptado e os seguintes, sempre que o nacemento ou a formalización da adopción se producise en territorio español antes do 16-11-07. Para estes efectos:

• Reputarase producido en España o nacemento ou a adopción que teña lugar no estranxeiro, cando se acredite que o fillo se intregou de maneira inmediata nun núcleo familiar con residencia en territorio español. 

• Enténdese como nacido, o feto con figura humana e que teña vivido 24 horas enteiramente desprendido do seo materno (art. 30 do Código Civil).

• Para o cómputo do terceiro fillo ou sucesivos fillos, teranse en conta todos os fillos con independencia da súa filiación, comúns ou non comúns, que convivan na unidade familiar e estean a cargo dos proxenitores ou adoptantes. Os fillos afectados por unha discapacidade igual ou superior ao 33% computarán dobre.

SUBIR

Beneficiarios

As persoas que cheguen a ter, con motivo do nacemento ou adopción,3 ou máis fillos, sempre que:

• Residan legalmente en territorio español. Considérase cumprida esta condición no suposto de traballadores trasladados pola súa empresa fóra do territorio español, que se atopen en situación asimilada á de alta e coticen no correspondente réxime de Seguridade Social español.

• Non teñan dereito, nin os proxenitores nin os adoptantes nin, no seu caso,quen acollese ao menor, a prestacións desta mesma natureza en calquera outro réxime público de protección social. 

• Non perciban ingresos anuais, de calquera natureza, superiores a 9.328,39 euros. Esta contía increméntase nun 15% por cada fillo ou menor acollido a cargo, a partir do segundo, incluído este. Para a determinación do límite de ingresos teranse en conta os ingresos obtidos polos beneficiarios durante o ano anterior ao nacemento ou á adopción.
  
  Cando se trate de familias numerosas, os ingresos anuais non serán superiores a 15.903,65 euros, nos supostos en que concorran 3 fillos a cargo, incrementándose en 2.575,95 euros por cada fillo a cargo a partir do cuarto, incluído este.
  
  Non obstante, pódese superar o límite de ingresos, cando os ingresos do beneficiario, aínda superando a contía do límite establecido, sexan inferiores á cifra que resulte de sumar a esta contía o importe (450,76 euros) da prestación económica polo nacemento do terceiro ou sucesivos fillos.

SUBIR

Determinación do suxeito beneficiario

• Se existe convivencia dos proxenitores ou adoptantes, será beneficiario:

• Calquera deles, de común acordo. Presúmese que existe acordo, cando a prestación se solicite por un dos dous.
• Á falta de acordo, será beneficiaria a nai, no seu caso.
• Se un dos pais está integrado nun réxime de Seguridade Social e o outro non, reunindo os dous a condición de beneficiarios, prevalecerá a condición daquel beneficiario que o sexa por estar integrado dentro dun réxime de Seguridade Social.

• Se non existe convivencia dos pais, será beneficiario o que teña ao seu cargo a garda e custodia do fillo.

• Cando o causante quedase orfo dos dous proxenitores ou adoptantes ou estea abandonado, será beneficiaria a persoa física que legalmente se faga cargo del, sempre que previamente teña ao seu cargo dous ou máis fillos.

SUBIR

Contía

• A prestación abóase nun pagamento único cunha contía que ascende a 450,76 euros, sempre que os ingresos do beneficiario non superen o límite establecido (Lm).

• Se os ingresos anuais percibidos, de calquera natureza, superan o límite establecido (Lm) pero son inferiores ao importe conxunto que resulte de sumarlle a este límite o importe da prestación (LM), a contía que haberá que aboar será igual á diferenza entre os ingresos percibidos polo beneficiario e o indicado importe conxunto.

REGRAS DE APLICACIÓN:

(1) Se os ingresos anuais son iguais ou inferiores a Lm en función dos fillos totais, percíbese a prestación na súa contía íntegra (A).

(2) Límite máximo computable (LM) para comprobar se procede unha asignación por diferenzas (D). O límite máximo é o límite mínimo máis 450,76 euros por cada fillo a partir do terceiro inclusive, é dicir, LM = Lm +  450,76 x nº de fillos nacidos ou adoptados.

(3) Non se recoñecerá a prestación cando a diferenza (D) entre o límite máximo e os ingresos percibidos (I) sexa inferior ás cantidades indicadas.

SUBIR

Compatibilidades

A prestación por nacemento do terceiro ou sucesivos fillos é compatible con:

• A prestación por parto múltiple, causada por un mesmo suxeito.
• As asignacións por fillo a cargo.
• A pensión de orfandade. e en favor de netos e irmáns que, no seu caso, poidan corresponder.

SUBIR

Incompatibilidades

• Cando concorran nos dous proxenitores ou adoptantes ou, no seu caso, nos acolledores as circunstancias necesarias para ter a condición de beneficiarios, o dereito a percibir a prestación só poderá ser recoñecido en favor dun deles.

• A prestación é incompatible coa percepción, por parte dos proxenitores ou adoptantes ou, no seu caso, dos acolledores, de calquera outra prestación análoga establecida nos restantes réximes públicos de protección social.

• No suposto de que un dos proxenitores ou adoptantes estea incluído, en razón da actividade desempeñada ou pola súa condición de pensionista, nun réxime público de Seguridade Social, a prestación correspondente será recoñecida por este réxime, sempre que aquel reúna os requisitos necesarios para ser beneficiario da prestación.

• Cando os beneficiarios poidan ter dereito á mesma prestación, por un mesmo suxeito causante, en varios réximes públicos de protección social, deberán optar por un deles.

SUBIR

Documentos que deben acompañar á solicitude

En todos os casos:

• Documento nacional de identidade do pai e da nai. Se son estranxeiros, tarxeta de residencia ou permiso de residencia se é o caso.
• Tarxeta de identificación fiscal.
• Libro de familia actualizado ou tarxeta non laboral dos fillos a cargo do estranxeiro residentes en España.
• Declaración da renda do último exercicio fiscal ou declaración persoal de non ter obriga de presentala.
• Certificado do concello, relativo á residencia habitual dos pais. No caso de parellas de feito, acreditarase convivencia superior a 2 anos, se concorren fillos non comúns.
• Título de familia numerosa, se é o caso.
• Documento nacional de identidade dos fillos maiores de 16 anos.

Só se se atopa nalgunha destas situacións:

• Nos supostos de separación xudicial ou divorcio, se existe sentenza firme, deberá presentarse "testemuño da sentenza", se nela se asignase a custodia dos fillos, e "testemuño do convenio regulador" se é neste onde se asigna a garda e custodia.

• Se se atopa en trámite a separación ou divorcio, presentarase "testemuño da aprobación xudicial das medidas provisionais" no que se acorde a garda e custodia.

• No suposto de separación de feito, documentación que acredite tal circunstancia.

• Esta documentación pode presentarse en calquera dos centros de atención e información da Seguridade Social.

SUBIR