Fillos ou menores acollidos menores de 5 anos non discapacitados

• 500 euros anuais (125,00 euros trimestrais), cando os ingresos do beneficiario non superen o lémite establecido.

SUBIR

Fillos ou menores acollidos maiores de 5 anos e menores de 18 non discapacitados

• 291,00 euros anuais (24,25 euros mensuais), cando os ingresos do beneficiario non superen o límite establecido de 11.264,01 euros anuais máis un 15% por cada fillo ou menor acollido a cargo a partir do segundo.
  
  Se se trata de familias numerosas, o límite será de 16.953,05 euros, nos supostos en que concorran 3 fillos a cargo, incrementándose en 2.745,93 euros por cada fillo a cargo a partir do cuarto, este incluído.
  
  
• Contía inferior e variable, cando os ingresos do beneficiario superen o límite establecido no seu caso, mais sexan inferiores á contía que resulte de lle sumar a esta cifra o produto de multiplicar o importe anual da asignación por fillo ou menor acollido polo número de fillos ou menores acollidos a cargo do beneficiario.
  
  A contía anual da asignación será igual á diferenza entre os ingresos percibidos e a cifra resultante de aplicar o disposto no apartado anterior.
  
  Esta diferenza distribúese entre os fillos ou menores acollidos a cargo e as mensualidades a que se teña dereito á prestación dentro de cada exercicio económico.
  
  Non se recoñecerá asignación económica, cando a diferenza sexa inferior a 24,25 euros anuais por cada fillo ou menor acollido.

REGRAS DE APLICACIÓN:

• (1) Percibirase unha asignación anual íntegra (A), se os ingresos anuais (I) son inferiores ou iguais ao límite mínimo (Lm) en función dos causantes totais.
• (2) Límite máximo computable (LM) para comprobar se procede unha asignación por diferenzas (D). Límite máximo (LM) é o límite mínimo (Lm) máis 291 euros por cada causante maior de 3 anos e menor de 18 non discapacitado.
• (3) Percibirase unha asignación anual (D) igual á diferenza entre o límite máximo (LM) e os ingresos (I), sempre que esta diferenza supere ou sexa igual a 24,25 euros/ano por fillo.
• (4) A asignación anual por diferenzas (D), distribuirase entre os causantes.
• (5) Se os ingresos anuais (I) son superiores a estes importes, non se percibirá asignación.

SUBIR

Fillos ou menores acollidos menores de 18 anos cunha discapacidade igual ou superior ao 33%

• 1000,00 euros anuais por fillo (250,00 euros trimestrais). Non se esixe nestes casos lémite de recursos económicos ao tratarse dun discapacitado.

SUBIR

Fillos maiores de 18 anos e cunha discapacidade igual ou superior ao 65%

• 4.076,40 euros anuais por fillo (339,70 euros mensuais). Non se esixe nestes casos límite de recursos económicos ao tratarse dun discapacitado.

SUBIR

Fillos maiores de 18 anos e cunha discapacidade igual ou superior ao 75% ...

Fillos con 18 ou máis anos afectados por unha discapacidade en grao igual ou superior ao 75% e que, como consecuencia de perdas anatómicas ou funcionais, necesiten o concurso doutra persoa para realizar os actos vitais máis elementais como vestirse, desprazarse, comer ou análogos:

• 6.115,20 euros anuais por fillo (509,60 euros mensuais). Non se esixe nestes casos límite de recursos económicos ao tratarse dun discapacitado.

SUBIR