Seguridade Social

Documentos que deben acompañar á solicitude

Os documentos que se indican a continuación débense presentar en orixinal e acompañados de copia para a súa compulsa ou en fotocopia xa compulsada, agás para os documentos de identidade  nos que será suficiente a exhibición do orixinal.

EN TODOS OS CASOS:

• Acreditación de identidade do solicitante, representante legal e demais persoas que figuran na solicitude, mediante a seguinte documentación en vigor:
  • Españois: documento nacional de identidade (DNI).
  • Estranxeiros residentes ou non residentes en España: Pasaporte ou, no seu caso, documento de identidade vixente no seu país e NIE (Número de Identificación de Estranxeiro) esixido pola AEAT a efectos de pagamento.
• Documentación acreditativa da representación legal, se é o caso, ou da emancipación do solicitante menor de idade. Se é titor institucional, CIF/NIF, documento no que conste o nomeamento de tutela da Institución e certificación acreditativa da representación da Institución.
• Certificación da Acta de Defunción do causante falecido.
  

SÓ SE O FALECIDO NON ERA PENSIONISTA:

• Xustificantes de pagamento de cotizacións dos últimos 3 meses se era o obrigado a ingresalas e o falecemento se produciu nese mesmo período.

SE SE SOLICITA PENSIÓN DE VIUVEZ:

1. Se estaba casado/a co causante falecido:
   
   
   • Libro de familia, acta de Rexistro Civil ou documento estranxeiro equivalente debidamente legalizado ou selado, no seu caso, e traducido, que acredite o matrimonio co causante  falecido e o estado civil actual do solicitante.
2. Se estaba separado/a ou divorciado/a do causante falecido ou o matrimonio fue declarado nulo:
   
   
   • Sentencia xudicial que acredite esa situación e Convenio Regulador da mesma ou documento que recoñeza o dereito a percibir pensión compensatoria ou indemnización por nulidade. Se non é acredor de pensión compensatoria: Libro de familia se houbo fillos comúns, se separou ou divorciou antes do 01-01-2008 e é menor de 50 anos, ou acreditación de que foi vítima de violencia de xénero.
   • Declaración xurada sobre a extinción da pensión compensatoria, mediante o documento facilitado polo INSS.
   • Acreditación de que o solicitante non contraeu matrimonio nin se constituíu como parella de feito con outra persoa tras o cesamento da súa relación co falecido, mediante Acta literal de matrimonio expedida polo Rexistro Civil ou Certificación negativa de Rexistro de parellas de feito da súa localidade de residencia ou Comunidade Autónoma.

   Para persoas comprendidas en 1) e 2):
   
   

   • Certificado médico no que conste a data de inicio da enfermidade común que determinou o falecemento do causante sempre que non transcurrise un ano entre a data do matrimonio e a do falecemento e non existisen fillos comúns, ou provisionalmente declaración xurada, nos termos ditos anteriormente, mediante o documento facilitado polo INSS. Se existisen fillos comúns, só Libro de familia ou actas de nacemento que o acrediten.
   • Certificado de inscrición como parella de feito se existiu esta situación antes do matrimonio.
     
     
3. Se era parella de feito do causante falecido:
   
   
   • Certificado de constitución da parella no rexistro correspondente da súa Comunidade Autónoma ou localidade de residencia, ou acreditación da constitución da parella de feito mediante escritura pública. 
   • Actas do Rexistro Civil que acrediten que o solicitante e o causante non estaban casados ou separados doutra persoa durante os 5 anos inmediatamente anteriores ao falecemento se a parella se constituíu mediante escritura pública. 
   • Certificado de empadroamento do Concello/s que acredite a convivencia co causante durante, polo menos, 5 anos inmediatamente anteriores ao falecemento.
   • Acreditación de ingresos do solicitante e do causante no ano natural anterior ao do falecemento; e do solicitante no mesmo ano do falecemento, mediante declaración sobre o IRPF ou, no seu defecto, nóminas salariais, documentos de entidades bancarias, |etc.

SE SE SOLICITA PENSIÓN DE ORFANDADE:

• Libro de Familia ou Acta/s de nacemento dos fillos ou documento estranxeiro equivalente.

SE SE SOLICITA PRESTACIÓN EN FAVOR DE FAMILIARES:

• Actas do Rexistro Civil (ou documento estranxeiro equivalente) acreditativas do parentesco co falecido e do estado civil do solicitante.
• Certificado de empadroamento do Concello que acredite a convivencia co falecido durante os 2 anos inmediatamente anteriores ao falecemento.
• Certificado de defunción dos pais, se a prestación se pide para netos/as ou irmáns/ás do falecido.
• Acreditación de ingresos do solicitante beneficiario mediante declaración do IRPF, nóminas salariais ou outro medio adecuado.
• Acreditación de ingresos da persoa con obriga de prestar alimentos, no seu caso.
• Acreditación de que non hai beneficiarios superviventes de pensión de viuvez, nin orfos do causante con dereito a pensión de orfandade, cando o funcionario o considere necesario.

OUTROS DOCUMENTOS:

• Parte administrativo de accidente de traballo ou enfermidade profesional e certificado empresarial de salarios reais.
• Certificado de discapacidade e grao recoñecido, expedido polo IMSERSOou organismo competente ou auto xudicial.
• Acta literal de matrimonio expedido polo Rexistro Civil con antelación máxima de tres meses cando o funcionario o considere necesario.
• Acta de defunción do outro cónxuxe se se solicita orfandade absoluta (para orfos de pai e nai).
• Resgardo de matriculación nun centro de estudos oficialmente recoñecido, no caso de orfos absolutos que estean a estudar.
• Factura de gastos de enterro se o solicitante non é o viúvo/a ou equivalente do falecido ou un fillo do mesmo.

PARA INCLUÍR EN ASISTENCIA SANITARIA:

• Libro de familia ou Actas do Rexistro Civil que acrediten o parentesco co solicitante da pensión.
• Auto xudicial ou Certificado de acollemento familiar, expedido pola Comunidade Autónoma.
• Certificado do Concello que acredite a convivencia co solicitante da pensión cando o funcionario o considere necesario.
• Acreditación de residencia habitual en España de estranxeiros, mediante certificado do empadroamento do Concello ou tarxeta de residencia, cando o funcionario o considere necesario.

Esta documentación pode presentarse en calquera dos centros de atención e información da Seguridade Social.