Seguridade Social

Incompatibilidades / Compatibilidades

O gozo da pensión é incompatible coa realización de traballos por conta allea ou propia, ou coa realización de actividades para calquera das Administracións Públicas, que dean lugar á súa inclusión no Réxime Xeral ou nalgún dos Réximes Especiais, coas salvidades seguintes:

• As persoas que "accedan" á xubilación poderán compatibilizar a percepción da pensión cun traballo a tempo parcial nos termos establecidos. Durante esta situación, denominada xubilación parcial, minorarase a percepción da pensión en proporción inversa á redución aplicable á xornada de traballo do pensionista en relación á dun traballador a tempo completo comparable.

• Os pensionistas de xubilación poderán compatibilizar a percepción da pensión "causada" cun traballo a tempo parcial nos termos establecidos. Durante esta situación, denominada xubilación flexible, minorarase a pensión en proporción inversa á redución aplicable á xornada de traballo do pensionista, en relación á dun traballador a tempo completo comparable.

Os pensionistas que, o 28-11-02, tivesen suspendida a pensión por incompatibilidade cos traballos realizados poderán acollerse á xubilación flexible. Os efectos da rehabilitación da percepción da pensión, no importe que corresponda, en función da xornada realizada, terán unha retroactividade máxima de 3 meses dende a data da solicitude, sen que, en ningún caso, poidan ser anteriores a 28-11-02.

• A realización doutros traballos, que non sexan a tempo parcial e nos termos establecidos, produce os seguintes efectos:

• A pensión de xubilación suspéndese, así como a asistencia sanitaria inherente á condición de pensionista.
• O empresario está obrigado a solicitar a alta e ingresar as cotizacións que, no seu caso, correspondan.
• As novas cotizacións aplicaranse:

• En primeiro lugar, a incrementar, no seu caso, a porcentaxe ordinaria da base reguladora (ata o 100% con 35 anos cotizados) e a minorar o coeficiente redutor da pensión.
• Unha vez que se alcance a porcentaxe do 100% e se suprima o coeficiente redutor, o exceso de períodos, computados por anos completos, servirá para acreditar a porcentaxe adicional do 2%, por cada ano completo cotizado.
• En ningún caso as novas cotizacións poden modificar a base reguladora.

SUBIR