Seguridade Social

Documentos necesarios para o trámite da súa prestación

Orixinal acompañado de copia para a súa compulsa ou fotocopia xa compulsada, agás  para os documentos de identidade nos que será suficiente a exhibición do orixinal

EN TODOS OS CASOS:

1. Acreditación de identidade do solicitante mediante a seguinte documentación en vigor:

• Españois: DNI 
• Estranxeiros: Pasaporte ou, no seu caso, documento de identidade vixente no seu país e NIE esixido pola Axencia Estatal de Administración Tributaria para efectos de pagamento.

2. Documentación relativa á cotización:

• Traballador por conta allea do réxime xeral: Certificación da/s  última/s empresa/s na que traballou.
• Traballadores por conta allea do réxime especial agrario: certificado de empresa, cuberto conforme ao TC 2/8 do mes anterior á baixa e xustificantes de pagamento dos tres últimos meses (TC 1/9).
• Traballador por conta propia: xustificante de pagamento de cotas dos tres últimos meses.
• Para os Artistas e Profesionais Taurinos declaración de actividades (TC 4/6) e xustificante de actuacións (TC4/5) que non se presentaran na Tesourería Xeral da Seguridade Social.
• Representantes de comercio: xustificantes do pagamento de cotas dos tres últimos meses (TC 1/3).

3. Datos médicos:

• Partes de baixa e confirmación da baixa.
• Se o traballador procede de pagamento delegado: parte(s) de confirmación seguinte(s) ao último que aboou a empresa.
• Se se produciu a alta médica, parte médico de alta.

4. Parte de accidentes de traballo ou enfermidade profesional (AT  e EP ), cuberto pola empresa, no seu caso.

DOCUMENTOS QUE ACREDITEN A EXTINCIÓN DA RELACIÓN LABORAL:

5. Se a extinción se produce nos 15 primeiros  días da incapacidae temporal: contrato de traballo e prórrogas.

6. No caso de despedimento: carta de despedimento, acta de conciliación ou sentenza.

OUTRA DOCUMENTACIÓN:

7. Declaración de situación de actividade, só para os traballadores do réxime especial de traballadores autónomos.

8. No suposto dos traballadores do réxime especial agrario por conta allea: xustificante da realización das xornadas reais.

9. Libro de familia e certificado de discapacidade co grao recoñecido, nos supostos de extinción da relación laboral, cos fillos a ter en conta para aplicar os topes de desemprego contributivo.

10. Empresa de menos de dez traballadores: é necesaria unha comunicación previa á solicitude, cunha antelación mínima de 15 días, de que a empresa traslada ao INSS  a súa obriga de pagamento directo a partir do día 1º  do mes natural seguinte.

Esta documentación pode presentarse en calquera dos centros de atención e información da Seguridade Social.