Seguridade Social

Nacemento do dereito

• En caso de enfermidade común ou accidente non laboral, dende o cuarto día da data de baixa no traballo.

• En caso de accidente de traballo ou enfermidade profesional, dende o día seguinte ao da baixa no traballo, estando a cargo do empresario o salario íntegro correspondente ao día da baixa.

• O dereito ao subsidio non nace durante as situacións de folga ou peche patronal.

SUBIR

Duración / prórroga / recaídas

O subsidio aboarase mentres o beneficiario se atope en situación de incapacidade temporal (IT) e terá unha duración de:

• En caso de accidente ou enfermidade, calquera que sexa a súa causa, 365 días prorrogables por outros  180 días cando se presuma que, durante eles, o traballador poida ser dado de alta médica por curación.

• En caso de períodos de observación por enfermidade profesional, 6 meses prorrogables por outros 6 cando se estime necesario para o estudo e diagnóstico da enfermidade.

Para os efectos do período máximo de duración e da súa posible prórroga, computaranse os de recaída e de observación.

Prórroga expresa:

• Esgotado o prazo de duración de 365 días, o INSS (ou o ISM) a través dos órganos competentes para avaliar, cualificar e revisar a incapacidade permanente do traballador, será o único competente para recoñecer a situación de prórroga expresa cun límite de 180 días máis, sempre que se presuma que o traballador pode ser dado de alta por curación.

Cando a cobertura da IT derivada de continxencias profesionais se concertase cunha Mutua de AT  e EP da Seguridade Social, esta efectuará ante o INSS (ou ante o ISM) proposta de prórroga, debendo entenderse aceptada esta proposta pola entidade xestora se non se manifesta en contrario no prazos dos 5 días seguintes ao da súa recepción.

• A resolución do director provincial da Entidade xestora recoñecendo a prórroga de IT será preceptiva para continuar percibindo a prestación económica, agás no suposto indicado no parágrafo anterior.

• Durante esta situación, a prestación aboarase, en réxime de pagamento directo pola Entidade xestora ou colaboradora responsable, a partir do día primeiro do mes seguinte á data da resolución do INSS (ou ISM) pola que se recoñecese a prórroga expresa.

Se o traballador estaba a percibir a prestación contributiva por desemprego cando se inicia a IT, o SPEE unicamente seguirá aboando a prestación de IT, en réxime de pagamento delegado, cando se declare a prórroga expresa pola Entidade xestora, co límite máximo da duración da prestación por desemprego. 

• Durante a prórroga, subsiste a obriga de cotizar.

Prórroga de efectos:

• Cando a situación de IT  se extinga polo transcurso do prazo de 545 días, examinarase necesariamente, no prazo máximo de 3 meses, ou estado do incapacitado para os efectos da súa cualificación no grao de incapacidade permanente que lle corresponda.

Non obstante, naqueles casos nos que, continuando a necesidade de tratamento médico pola expectativa de recuperación ou a mellora do estado do traballador, con vistas á súa reincorporación laboral, a situación clínica do interesado fixese aconsellable demorar esta cualificación, esta poderá retrasarse polo período preciso que, en ningún caso, poderá superar os 730 días seguintes á data en que se iniciase a IT.

Non subsistirá a obriga de cotizar durante estes períodos.

• Cando a extinción se producise por esgotamento do prazo máximo ou por alta médica con declaración de incapacidade permanente, os efectos da situación de IT prorrogaranse ata o momento da cualificación da incapacidade permanente (entendéndose producida a cualificación na data da resolución do Director provincial da entidade xestora), en cuxa data se iniciarán as prestacións económicas desta, agás que estas prestacións sexan superiores ás que viña percibindo o traballador, en cuxo caso, retrotraeranse aquelas ao momento no que se esgotase a IT.

• No suposto de alta médica anterior ao esgotamento do prazo máximo de duración, sen que exista ulterior declaración de incapacidade permanente, subsistirá a obriga de cotizar mentres non se extinga a relación laboral ou ata a extinción do prazo máximo de duración, de producirse con posterioridade esta declaración de inexistencia de incapacidade permanente.

Recaídas:

• Considérase recaída cando entre dous procesos de IT non transcorreu un período de actividade laboral superior a 180 días e se trata da mesma enfermidade ou patoloxía.

• Se se trata dunha  enfermidade distinta ou se transcorreu un período de actividade laboral superior a 180 días, considerarase un novo proceso de IT.

• Extinguido o dereito á IT polo transcurso do prazo máximo e dado de alta médica o traballador sen declaración de incapacidade permanente, só poderá xerarse un novo proceso de IT pola mesma patoloxía ou semellante:
  
  
  • Se media un período de actividade laboral superior a 180 días, ou
  • Se, mediando un prazo inferior a 180 días, o INSS (ou ISM ), a  través dos órganos competentes para avaliar, cualificar e revisar a incapacidade permanente do traballador, emite a baixa aos exclusivos efectos da prestación económica por IT.

SUBIR

Perda ou suspensión do dereito

O dereito pode ser denegado, anulado ou suspendido por:

• Actuación fraudulenta do beneficiario para obter ou conservar o subsidio.
• Traballar por conta propia ou allea.
• Rexeitar ou abandonar o tratamento sen causa razoable.

SUBIR

Extinción do dereito

• Polo transcurso do prazo máximo establecido para a situación de incapacidade temporal de que se trate.


• Por alta médica do traballador, con ou sen declaración de incapacidade permanente.


• Por ter recoñecido ao beneficiario o dereito á percepción da pensión de xubilación.


• Por incomparecencia inxustificada do beneficiario a calquera das convocatorias para os exames e recoñecementos establecidos polos médicos adscritos ao Instituto Nacional da Seguridade Social ou á Mutua de Accidentes de Traballo e Enfermidades Profesionais da Seguridade Social.


• Por falecemento.

SUBIR