Seguridade Social

Cualificación

Corresponde ao Instituto Nacional da Seguridade Social, a través dos órganos correspondentes e en todas as fases do procedemento (calquera que sexa a Entidade xestora ou colaboradora que cubra a continxencia de que se trate), avaliar, cualificar e revisar a incapacidade e recoñecer o dereito ás prestacións económicas contributivas da Seguridade Social por incapacidade permanente, nos seus distintos graos, así como determinar as continxencias causantes da mesma.

Revisión

Causas de revisión:

• Agravación.
• Melloría.
• Erro de diagnóstico
• Realización de traballos por conta allea ou propia do pensionista.

Prazos de revisión:

• Toda resolución, inicial ou de revisión, pola que "se recoñeza o dereito" ás prestacións de incapacidade permanente, en calquera dos seus graos, ou "se confirme o grao recoñecido previamente", fará constar necesariamente o prazo a partir do cal se poderá instar a revisión por agravación ou melloría, en tanto que o incapacitado non teña feitos os 65 anos para acceder á pensión de xubilación.
  
  Non obstante o disposto no parágrafo anterior, poderá revisarse o grao de incapacidade permanente e a prestación inicialmente recoñecida, aínda que o beneficiario teña feitos os 65 anos, se esta incapacidade deriva de enfermidade profesional.
  
  Cando na resolución inicial de recoñecemento da incapacidade permanente, se faga constar un prazo, igual ou inferior a dous anos, para poder instar a revisión por previsible melloría do estado invalidante, o traballador terá dereito á reserva do seu posto de traballo, durante un período de dous anos, a contar dende a data da resolución pola que se declare a incapacidade permanente.
  
  
• O referido prazo de revisión é vinculante para todos os suxeitos que poidan promovela, de modo que non poderá instarse con anterioridade ao cumprimento dese prazo, agás nos supostos seguintes:

1. Realización, por parte do pensionista de incapacidade permanente, de calquera traballo, xa sexa por conta allea ou propia. O Instituto Nacional da Seguridade Social poderá, de oficio ou a instancia do propio interesado, promover a revisión, con independencia de que transcorrese ou non o prazo sinalado na resolución.
2. Erro de diagnóstico A revisión pode levarse a cabo en calquera momento, en tanto que o interesado non teña 65 anos.
3. Se concorren novas doenzas.

• As restantes resolucións e, en especial, as denegatorias das solicitudes de revisión non poderán establecer ningún prazo, podendo instarse unha nova revisión en calquera momento.

Efectos da revisión:

• Confirmación do grao de incapacidade.
• Modificación do grao de incapacidade e, en consecuencia, da prestación.
• Extinción da incapacidade e, en consecuencia, da pensión.