Traballadores por conta allea incluídos no Réxime Especial Agrario

Quedarán incluídos os traballadores maiores de dezaseis anos que realicen labores agrarias con carácter retribuído por conta allea, dentro do ámbito de organización e dirección doutra persoa física ou xurídica.

Expresamente quedan incluídos:

Os Pastores, Gardas Rurais e de cotos de caza pesca que teñan ao seu cargo a custodia de gando ou a vixilancia de explotacións agrarias dun ou varios propietarios.

Traballadores ocupados en faenas de rego e en labores de limpeza, monda e limpeza de regos, brazais, carreiros, cando estes traballos non teñan outro fin que o de aproveitamento das augas para uso exclusivo das explotacións agropecuarias.

Os traballadores que, como elementos auxiliares, presten servizos non propiamente agrícolas, forestais ou pecuarios de forma habitual e con remuneración permanente en explotacións agrarias. Terán este carácter os técnicos, administrativos, mecánicos, condutores de vehículos e maquinaria e calquera outro profesional que desempeñe o seu cometido na explotación.

Exclusións:

Os mecánicos e condutores de vehículos e maquinaria de propietarios que arrenden os seus servizos para labores agropecuarias, sen seren titulares dunha explotación ou cando o sexan non os utilicen na mesma.

Os operarios que traballen directamente por conta das Empresas cuxa actividade é a de aplicacións fitopatolóxicas.

O cónxuxe, descendentes, ascendentes e demais parentes do empresario por consanguinidade ou afinidade ata o terceiro grao inclusive, ocupados na súa explotación agraria cando convivan no seu fogar e estean ao seu cargo, a non ser que se demostre a súa condición de asalariados, sen prexuízo de que poidan ter a consideración de traballadores por conta propia.

---

SUBIR