Seguridade Social

Quen o pode subscribir?

Os coidadores non profesionais das persoas en situación de dependencia que sexan perceptores da prestación económica regulada polo R.D.  615/2007 do 11 de maio (BOE do 12 de maio).

Con carácter xeral, para subscribilo é preciso que o coidador non estea de alta en ningún réxime da Seguridade Social a tempo completo, en situación de desemprego ou sexa perceptor de determinadas prestacións.

SUBIR

Acción protectora

A acción protectora dispensada por este convenio especial será a correspondente a xubilación, incapacidade permantente, morte e supervivencia, derivadas de accidente ou enfermidade, e formación.

SUBIR

Forma e prazo de solicitude

As solicitudes presentaranse na Dirección Provincial da Tesourería Xeral da Seguridade Social, ou na Administración desta no modelo correspondente (modelo TA-0040).

SUBIR

Efectos

Con carácter xeral, o convenio producirá efectos desde o mesmo día en que sexa efectiva a prestación económica para coidados profesionais concedida á persoa asistida.

Os efectos serán desde a data de solicitude do convenio cando o coidador, no momento de concesión da prestación, estea en alta no sistema ou incluído nalgunha das causas de incompatibilidade.  

SUBIR

Causas de extinción

O convenio para este colectivo extinguirase por calquera das causas seguintes:

- Por adquirir o coidador a condición de titular dunha pensión de xubilación ou de incapacidade permanente, ou de viuvez ou de favor familiar, cando teña 65 anos ou máis en calquera dos réximes do sistema da Seguridade Social.

- Por falecemento da persoa asistida ou extinción da prestación económica para coidados familiares por esta percibida ou por falecemento do subscritor.

- Por deixar de prestar os servizos como coidador.

- Por deixar de reunir os requisitos establecidos no R.D.  615/2007.

SUBIR

Outros

Para o non establecido na norma reguladora deste convenio específico, este convenio especial regúlase polo disposto no capítulo I da Orde TAS/2865/2003, do 13 de outubro.

SUBIR