Seguridade Social

Certificados emitidos pola Autoridade de Certificación da Seguridade Social

Certificado SILCON

Para a actualización e consulta de datos por parte de representantes de empresas e expresamente para o Sistema RED .

Para obter este certificado proporcionado pola Seguridade Social siga o seguinte procedemento:

• O usuario deberá persoarse nunha Oficina de certificados dixitais, identificándose co seu DNI, pasaporte ou co NIE en caso de ser estranxeiro.
  

• O rexistrador recollerá os datos necesarios para realizar o rexistro:

  •  Nome e apelidos, NIF.
  •  Domicilio.
  •  Teléfono, fax, correo electrónico.
    

• Unha vez comprobado que os datos son correctos, entregaránselle ao interesado dúas copias do contrato, que deberá asinar tras comprobar que están debidamente cubertas cos seus datos persoais, conservando unha o usuario e arquivándose a outra na oficina de rexistro.

• Xunto coa copia do contrato, o usuario recibirá un disquete que contén o certificado e un sobre cunha folla impresa cos oito caracteres do contrasinal do certificado.

• Cada vez que un usuario acceda aos servizos do RED, Mutuas de Accidentes de Traballo, Centros Públicos de Saúde ou Instituto Cervantes, amosaráselles unha pantalla na que se solicitará:

  • o arquivo .epf, que hai no disquete que se lles entregou. 
  • O contrasinal asociado ao certificado.
    
    Guía para a obtención do Certificado SILCON.

Certificados de Administración Pública - ACGISS

Para a identificación e actuación automatizada da Seguridade Social, así como para posibilitar a actuación electrónica dos seus empregados públicos, a Autoridade de Certificación da Xerencia de Informática da Seguridade Social (ACGISS), emite certificados electrónicos incluídos no ámbito da Lei 11/2007 de Acceso Electrónico dos Cidadáns aos Servizos Públicos.

Estos certificados emítense unicamente no ámbito interno da Seguridade Social, non estando dirixidos polo tanto, ao público en xeral.

Os certificados emitidos por ACGISS para a Administración Pública son certificados recoñecidos segundo o establecido na Lei 59/2003 de Sinatura Electrónica e atópanse inscritos como tales no Ministerio de Industria, Enerxía e Turismo.

Máis información.

SUBIR

Certificados para os que a Seguridade Social actúa como autoridade de rexistro

Certificado de Usuario (Clase 2 CA da FNMT)

Para o acceso dos cidadáns á maioría dos servizos ofrecidos pola Seguridade Social. Para descargar este certificado, proporcionado pola Fábrica Nacional de Moeda e Timbre, siga o seguinte procedemento.

Para obter máis información sobre este certificado, pode consultar as dúbidas máis frecuentes.

Guía para a obtención do Certificado de Usuario.

Máis información sobre os Certificados de Usuario na páxina web da Fábrica Nacional de Moeda e Timbre.

SUBIR

Oficinas de Rexistro

Listado de Oficinas de Rexistro da Seguridade Social nas distintas Comunidades Autónomas para a obtención dos certificados dixitais.

SUBIR