Seguridade Social

Quen pode percibir asistencia sanitaria da Seguridade Social?

• Como titulares do dereito, os traballadores (afiliados e en alta ou en situación asimilada á de alta ), os pensionistas e perceptores de prestacións periódicas, incluídos os perceptores da prestación ou subsidio de desemprego.
  
  
• Os familiares ou asimilados a cargo dos anteriores titulares do dereito:
  
  
  • O cónxuxe.
  • Os separados/as e divorciados/as que, na data de efectos da separación ou divorcio, figuren na cartilla do seu cónxuxe, sempre que non teñan dereito á asistencia sanitaria por outro concepto.
  • A persoa que, sen ser cónxuxe titular do dereito, conviva maritalmente con el, polo menos cun ano de antelación á data da solicitude, e tamén os fillos desta.
  • Os descendentes (de ambos os cónxuxes ou de calquera deles), fillos adoptivos e irmáns.
  • Excepcionalmente, os acollidos de feito, incluídos os nenos estranxeiros acollidos de feito e con carácter temporal por españois titulares do dereito á asistencia sanitaria.
  • Os ascendentes do titular e do seu cónxuxe, ademais dos cónxuxes de tales ascendentes por ulteriores nupcias.

Todos eles han de reunir os seguintes requisitos:

• Convivir co titular e estar ao seu cargo (agás separados e divorciados).
• Non realizar traballo remunerado ningún, nin percibir renda patrimonial nin pensión ningunha superiores ao dobre do IPREM.
• Non ter dereito a esta prestación por título distinto.
  
  
• Outros colectivos con dereito á asistencia sanitaria son: as persoas sen recursos económicos suficientes, os titulares de pensións causadas por actos de terrorismo...

SUBIR

A persoa incluída como beneficiaria na cartilla da Seguridade Social dun traballador, ten dereito ás mesmas prestacións sanitarias ca o titular?

En xeral, as prestacións sanitarias teñen o mesmo contido  tanto para o titular do dereito (traballadores e pensionistas) como para os beneficiarios ao seu cargo, agás que a continxencia determinante fose un accidente de traballo ou enfermidade profesional; neste caso, a asistencia é máis completa (cirurxía plástica e reparadora ...).

SUBIR

O traballador divorciado, que convive coa súa parella sen estaren casados, pode incluír a esta como beneficiaria na súa cartilla da Seguridade Social se a súa ex muller segue estando nela porque non traballa?

Con carácter xeral e sempre que cumpra os requisitos esixidos, ten dereito á asistencia sanitaria a persoa que, sen ser cónxuxe do titular do dereito, convive maritalmente con el, polo menos cun ano de antelación á data da solicitude, así como os fillos desta.

A inclusión como beneficiaria desta persoa non modifica o dereito á asistencia sanitaria do posible ex cónxuxe.

SUBIR