Seguridade Social

Para pensións inferiores á mínima

Os beneficiarios de pensións do Sistema da Seguridade Social, na súa modalidade contributiva, que non perciban ingresos de capital ou de traballo persoal ou que, aínda que os perciban, non excedan da contía que anualmente se estableza  (6.993,14 euros anuais para 2012), terán dereito a percibir os complementos necesarios para alcanzar a contía mínima das pensións.

Para os únicos efectos de garantía de complementos por mínimos, equipáranse a ingresos de traballo as pensións públicas que non estean a cargo de calquera dos réximes públicos básicos de previsión social.

Límite de ingresos:

• Os complementos por mínimos non teñen carácter consolidable e serán absorbibles con calquera incremento futuro que poidan experimentar as percepcións dos interesados, xa sexa en concepto de revalorizacións ou por recoñecemento de novas prestacións de carácter periódico  que dean lugar á concorrencia de pensións. Neste suposto, a absorción do complemento por mínimo terá efectos desde el 1º día do mes seguinte á data da resolución de recoñecemento da nova prestación.

• Os complementos por mínimos serán incompatibles coa percepción polo pensionista de rendementos íntegros de traballo persoal por conta propia ou allea, e/ou de capital, ou calquera outros rendementos substitutivos daqueles, cando a suma de todas as percepcións, excluída a pensión a complementar, exceda de 6.993,14 euros anuais.
  
  A tal efecto, tamén se computarán entre tales ingresos as plusvalías ou ganancias patrimoniais, valoradas conforme á lexislación fiscal.
  
  Aos exclusivos efectos do recoñecemento dos complementos por mínimos das pensións contributivas da Seguridade Social, dos rendementos íntegros percibidos polo pensionista, e computados nos termos establecidos na lexislación fiscal, excluiranse os seguintes:

• Nos rendementos íntegros procedentes do traballo, os gastos deducibles de acordo coa lexislación fiscal.
• Nos rendementos íntegros procedentes de actividades empresariais, profesionais e agrícolas ou gandeiras, os gastos deducibles de acordo coa lexislación fiscal.

Os rendementos íntegros do pensionista, computados conforme se determina nos parágrafos anteriores, tomaranse no valor percibido no ano 2011, e deberán excluírse os deixados de percibir por motivo do feito causante das respectivas pensións, así como aqueles outros que se probe que non han de ser percibidos no exercicio 2012. 

• Non obstante, cando a suma, en cómputo anual, de tales rendementos e dos correspondentes á pensión, resulte inferior á suma de 6.993,14 euros máis o importe, en cómputo anual, da contía mínima fixada para a clase de pensión de que se trate, recoñecerase un complemento igual á diferenza, distribuído entre o número de mensualidades en que se perciba a pensión.

• Presúmese que concorren os requisitos indicados nos apartados anteriores cando o interesado percibira durante o 2011 rendementos por contía igual ou inferior a 6.993,14 euros. Esta presunción poderá destruírse, no seu caso, polas probas obtidas pola Administración directamente ou a través dos propios interesados.

• Os pensionistas perceptores de complementos por mínimos, que durante o ano 2011 obtivesen rendementos superiores a 6.993,14 euros, deberán presentar declaración expresiva desta circunstancia antes do día 01.03.12. Sen prexuízo desta obriga e para acreditar as rendas e ingresos, a Entidade xestora poderá requirirlles, en calquera momento, unha declaración destes, así como dos seus bens patrimoniais e, no seu caso, a achega das declaracións tributarias presentadas. 

• O recoñecemento do complemento por mínimos, cando se solicite con posterioridade ao recoñecemento da pensión produce os efectos económicos seguintes: 

• Se se solicita dentro do prazo de 3 meses, os efectos serán a partir do día seguinte a aquel no que se reúnan todos os requisitos para ter dereito ao mencionado complemento.

• Se se solicita pasados os 3 meses, os efectos terán unha retroactividade máxima de 3 meses a contar dende a data de presentación da solicitude, sempre que naquel momento se reunisen todos os requisitos. 

SUBIR

En función da modalidade de convivencia e dependencia económica

• Considérase que existe cónxuxe a cargo do titular dunha pensión, a efectos do recoñecemento das contías mínimas establecidas, cando aquel se atope convivindo co pensionista e dependa economicamente do mesmo.
  
  Presúmese a convivencia, agás no caso de separación xudicial, sempre que se conserve o vínculo matrimonial, sen prexuízo de que esa presunción poida destruírse pola actividade investigadora da Administración.
  
  Enténdese que existe dependencia económica do cónxuxe, cando concorran as circunstancias seguintes:

• Que o cónxuxe non sexa, á súa vez, titular dunha pensión a cargo dun réxime básico público de previsión social, entendendo neste concepto os subsidios de garantía de ingresos mínimos e de axuda por terceira persoa, ambos da Lei 13/1982, do 7 de abril, e as pensións asistenciais reguladas na Lei 45/1960, do 21 de xullo.
• Que os rendementos de calquera natureza do pensionista e do seu cónxuxe resulten inferiores a 8.157,57 euros anuais.
• Cando a suma, en cómputo anual, dos ingresos referidos no apartado anterior e do importe, en cómputo anual, da pensión que se ten que complementar resulte inferior á suma de 8.157,57 euros e da contía anual da pensión mínima con cónxuxe a cargo de que se trate, recoñecerase un complemento igual á diferenza, distribuído entre o número de mensualidades que corresponda.

• Considérase que existe cónxuxe non a cargo do titular dunha pensión, cando aquel se atope convivindo co pensionista e non dependa economicamente del nos termos previstos no punto anterior.

• Considérase que o pensionista constitúe unha unidade económica unipersoal, cando, acreditando dereito a complemento por mínimos, en atención aos seus ingresos, non se atope comprendido en ningún dos supostos previstos nos parágrafos anteriores.

• Os perceptores de complementos por cónxuxe a cargo estarán obrigados a declarar, dentro do mes seguinte ao momento no que se produza, calquera variación do seu estado civil que afecte a esta situación, así como calquera cambio na situación de dependencia económica do seu cónxuxe.
  
  Sen prexuízo do establecido no parágrafo anterior, a Entidade xestora competente poderá solicitar, en calquera momento, os datos identificativos do cónxuxe, así como declaración dos ingresos que perciban ambos cónxuxes.

• A perda do dereito ao complemento por cónxuxe a cargo terá efectos a partir do 1º día do mes seguinte a aquel no que cesen as causas que deron lugar ao seu recoñecemento.

SUBIR

Viuvez con cargas familiares

• Entenderase por cargas familiares a convivencia do beneficiario con fillos menores de 26 anos ou maiores discapacitados, ou menores de 18 anos acollidos, cando a renda do conxunto da unidade familiar así constituída, dividida polo número de membros que a compoñen, non supere en cómputo anual o 75% do SMI , excluída a parte proporcional de dúas pagas extraordinarias.
  
  Para estes efectos, considéranse fillos maiores discapacitados quen acredite un grao de discapacidade igual ou superior ao 33%.

• Considérase como rendementos computables calquera ben e dereito, derivado tanto do traballo como do capital, así como os de natureza prestacional. Os rendementos indicados tomaranse no valor percibido no exercicio anterior a aquel en que deban aplicarse os complementos, debendo excluírse os deixados de percibir como consecuencia do feito causante das prestacións, así como aqueles que se probe que non han de ser percibidos no exercicio en que deban aplicarse os referidos complementos a mínimos.

SUBIR