Seguridade Social

Titulares / beneficiarios

• Titular: o propio pensionista.
• Beneficiarios: os familiares que convivan co pensionista e ao seu cargo, sempre que cumpran os requisitos  esixidos.

SUBIR

Contido

As prestacións sanitarias comprenden as seguintes modalidades:

• Prestacións farmacéuticas gratuítas tanto para o pensionista como para os beneficiarios que estean ao seu cargo. 
• Atención primaria.
• Atención especializada.
• Atención de urxencia.
• Transporte sanitario e prestacións complementarias.
• Servizos de información e documentación sanitaria.

SUBIR

Recoñecemento do dereito

O recoñecemento do dereito á    asistencia sanitaria do pensionista e dos beneficiarios ao seu cargo efectúase polo INSS ,  mediante  a expedición de documento  que acredita o seu dereito,  que será notificado, con carácter xeral,  xunto coa resolución pola que se  lle recoñece a pensión.

Este documento terá validez en todo o territorio nacional, ante a Administración sanitaria autonómica  que, en cada caso, corresponda, tanto para a obtención da tarxeta sanitaria individual como para o acceso aos servizos sanitarios durante a tramitación e expedición da tarxeta.

SUBIR

Tarxeta sanitaria individual

É un documento "individual" e personalizado que acredita o dereito á asistencia sanitaria pública tanto do titular como dos beneficiarios, calquera que sexa a idade destes.

Onde e como se obtén:

• No centro de saúde ou consultorio que corresponda ao domicilio do interesado.
• Por solicitude dos interesados, que han presentar o documento que acredita a súa condición de pensionista para os efectos de asistencia sanitaria da Seguridade Social, así como o DNI do titular e dos beneficiarios maiores de 14 anos.

Inclusión de novos beneficiarios:

Antes de ir ao centro de saúde ou consultorio para solicitar a tarxeta sanitaria individual do novo beneficiario, é preciso acudir ao INSS para que recoñeza o dereito a obter asistencia sanitaria da Seguridade Social.

SUBIR

Xestión

A prestación dos servizos sanitarios lévase a cabo por órganos competentes de cada Comunidade Autónoma e polas Direccións Provinciais do Instituto Nacional de Xestión Sanitaria nas cidades de Ceuta e Melilla.

Bandeira	Comunidade Autónoma	Bandeira	Comunidade Autónoma	Bandeira	Comunidade Autónoma	Bandeira	Comunidade Autónoma
	Andalucía		Castela-A Mancha		Galicia		Murcia
	Aragón		Castela e León		Illas Baleares		Navarra
	Asturias		Cataluña		A Rioxa		País Vasco
	Canarias		Ceuta		Madrid		Valenciana
	Cantabria		Extremadura		Melilla

SUBIR

Desprazamentos por España

Nos seus desprazamentos por España, o titular e os beneficiarios do dereito á asistencia sanitaria deben ir  provistos da tarxeta sanitaria individual.

SUBIR