Seguridade Social

A consideración como período de cotización efectiva de certo tempo do período de excedencia que os traballadores gocen para coidar de cada fillo, dun menor acollido ou dun familiar e o incremento das cotizacións en determinados supostos de redución de xornada de traballo polo coidado dun menor ou persoa con discapacidade.

Cada fillo, natural ou adoptado ou menor acollido, nos supostos de acollemento familiar permanente ou preadoptivo, aínda que sexan provisionais.

Outros familiares, ata o 2º grao de consanguinidade ou afinidade que, por razóns de idade, accidente, enfermidade ou discapacidade, non poidan valerse por si mesmos e non desempeñen ningunha actividade retribuída.

• Todos os traballadores por conta allea.
• Exclúense os traballadores por conta propia dos Réximes Especiais de Traballadores do Mar e Autónomos.

Máis información sobre beneficiarios

Gozar da excedencia prevista no artigo 46.3 do Estatuto dos traballadores e as reducións de xornada por coidado dun menor ou persoa con discapacidade previstos no artigo 37.5 do devandito Estatuto.

Para efectos das prestacións por xubilación, incapacidade permanente, morte e supervivencia, maternidade e paternidade, o período de excedencia considerado de "cotización efectiva" servirá para: 

• Acreditar os períodos mínimos de cotización, determinar a base reguladora e a porcentaxe aplicable (de ser o caso), manter o dereito á asistencia sanitaria da Seguridade Social.
• Durante ese período, considerarase que os beneficiarios están en situación de alta.

O período en que o traballador permaneza en excedencia laboral que exceda do período considerado de cotización efectiva, será considerado en situación asimilada á de alta para acceder ás prestacións (agás IT , maternidade e paternidade).

Máis información sobre efectos

Os dous primeiros anos do período de excedencia que os traballadores gocen para o coidado de cada fillo ou menor acollido. Nos casos de familias numerosas, o período de cotización efectiva amplíase a:

• 30 meses, se é de categoría xeral.
• 36 meses, se é de categoría especial.

O primeiro ano do período de excedencia que os traballadores gocen para o coidado doutros familiares.

Se non chega a gozarse dun ano completo, computarase como cotizado o período gozado.

Iniciarase o cómputo dun novo período de cotización efectiva por cada excedencia laboral á que poidan dar lugar os sucesivos fillos.

O incremento das cotizacións en supostos de redución de xornada por coidado dun menor ou persoa con discapacidade.

Máis información sobre cotizacións

As empresas deberán comunicarlle á Tesourería Xeral da Seguridade Social, no prazo de 15 días, o inicio e finalización da excedencia con reserva do posto de traballo do que gocen os seus traballadores.

O dereito ao recoñecemento desta prestación é imprescritible, polo que se poderá alegar en todo momento, podendo dar lugar, de ser o caso, á revisión da contía de prestacións xa recoñecidas, así como ao recoñecemento de novas prestacións denegadas anteriormente por non computarse.

Non existe un modelo de solicitude.

Bastará a alegación do período cotizado correspondente no momento en que sexa necesario xustificar a súa procedencia.

Polo Sistema RED ou en calquera Administración da Tesourería Xeral da Seguridade Social.

O recoñecemento das cotizacións é competencia da Tesourería Xeral da Seguridade Social.

Redución das cotizacións empresariais.

Preguntas máis frecuentes