Seguridade Social

É unha prestación económica de pagamento único, que ten por obxecto compensar, en parte, o aumento de gastos que produce o nacemento ou adopción do terceiro ou posteriores fillos naquelas familias que non superen un determinado nivel de ingresos.

O terceiro fillo nacido ou adoptado e os siguintes, sempre que o nacemento ou adopción se producise en territorio español (ou no  estranxeiro, cando se acredite que o fillo integrouse de xeito inmediato en núcleo familiar con residencia en España), nunha data anterior ao 16 de novembro de 2007.

Máis información sobre causantes

Os proxenitores ou adoptantes que cheguen a ter, con motivo do nacemento ou adopción, 3 ou máis fillos e cumpran os requisitos esixidos.

Se existe convivencia dos proxenitores ou adoptantes, será beneficiario calquera deles de común acordo; se hai falta de acordo, serao a nai. Se non existe convivencia, será beneficiario o que teña ao seu cargo a garda e custodia do fillo.

Cando o neno sexa orfo dos dous proxenitores ou adoptantes ou estea abandonado, será beneficiaria a persoa física que legalmente se faga cargo del, sempre que previamente teña ao seu cargo dous ou máis fillos.

Máis información sobre beneficiarios

• Residir legalmente en territorio español.
• Non percibir ingresos anuais de calquera natureza superiores ao límite establecido. Para a determinación do límite, teranse en conta os ingresos obtidos polo beneficiario no ano anterior ao nacemento ou á adopción.
• Non ter dereito a prestacións desta mesma natureza en calquera outro réxime público de protección social.

Abóase nun pagamento único por cada fillo natural ou adoptado a partir do terceiro, sempre que os ingresos anuais non superen o límite establecido; de superaren este límite, pero seren inferiores ao importe que resulte de sumar a ese límite o importe da prestación, a contía  que se debe aboar será igual á diferenza  entre os ingresos percibidos e o indicado importe conxunto.  

Abóase dunha soa vez.

O prazo máximo para ditar resolución e notificala ao interesado é de 45 días. 

O dereito ao recoñecemento prescribe aos 5 anos, contados desde o día seguinte ao nacemento do fillo.

Formulario de solicitude.

Achegaranse os documentos necesariospara a acreditación da identidade e das circunstancias determinantes do dereito.

En ningún caso, se poderá esixir ao solicitante que acredite feitos, datos ou circunstancias que a administración da Seguridade Social deba coñecer por si mesma.

A solicitude e documentación necesaria deberá presentarse en calquera dos Centros de Atención e Información da Seguridade Social.

A xestión e o recoñecemento do dereito á asignación económica é competencia do Instituto Nacional da Seguridade Social (INSS). 

No caso de estar un dos pais incluído nun réxime público de Seguridade Social, a prestación recoñécese por este réxime.

• Compatibilidades.
• Incompatibilidades.
• Rendas ou ingresos computables.

Preguntas máis frecuentes