Seguridade Social

Protexer a situación de necesidade económica ocasionada polo   falecemento da persoa que orixina a prestación.

Os familiares seguintes que, convivindo e dependendo economicamente do causante cunha antelación mínima de 2 anos á data de falecemento, non teñan dereito a outra pensión pública, carezan de medios de subsistencia e acrediten os requisitos establecidos:

• Netos/as e irmáns/ás.
• Nai e avoas.
• Pai e avós.
• Fillos/as e irmáns/ás de pensionistas de xubilación ou incapacidade permanente.

Persoa falecida ou desaparecida cuxa morte orixina o dereito á prestación.

Cumprirá acreditar un período de cotización, que variará segundo a situación laboral do falecido e da causa que determina a morte:

• En alta ou situación asimilada á alta, 500 días dentro dun período ininterrompido de 5 anos inmediatamente anteriores ao falecemento ou 15 anos ao longo de toda a vida laboral.
• En non alta: 15 anos ao longo de toda a vida laboral.
• Pensionistas: non se esixe período de cotización.

Non se esixe período previo de cotización cando a morte se produce como consecuencia de accidente ou enfermidade profesional.

A prestación económica calcúlase aplicando a porcentaxe do 20% á correspondente base reguladora, que será diferente segundo a situación laboral do falecido na data do falecemento e da causa que determine a morte.

Se non hai cónxuxe sobrevivente, nin fillos con dereito a pensión, a contía da pensión en favor de familiares incrementarase co 52% correspondente á viuvez segundo orde de preferencia  e co límite do 100% da base reguladora.

• Causantes en alta, asimilada á alta ou non alta: día seguinte á data do feito causante, cando a solicitude se presente nos 3 meses seguintes á data do falecemento.
• Causantes pensionistas: día primeiro do mes seguinte á data do feito causante, cando a solicitude se presente nos 3 meses seguintes á data do falecemento.

Cando a solicitude se presente fóra dos 3 meses seguintes á data do falecemento, terase dereito á percepción cunha retroactividade máxima de 3 meses á data de solicitude.

A pensión abóase mensualmente, con dúas pagas extraordinarias nos meses de xuño e novembro, agás nas pensións de accidente de traballo e enfermidade profesional, que se reparten entre as doce mensualidades ordinarias.

A pensión ten garantidas contías mínimas e revalorízase ao comezo de cada ano.

A pensión está suxeita ao imposto sobre a renda das persoas físicas (IRPF).

• A pensión será incompatible cun determinado nivel de rendas e coa percepción doutra pensión pública.
  
•  A realización de traballos por parte de netos e irmáns maiores de 18 anos produce os mesmos efectos suspensivos que na pensión de orfandade.

Presentación da solicitude: Non existen prazos.

Resolución do expediente: 90 días desde a data de presentación da solicitude. Actualmente, o prazo medio é de 13 días.

Netos/as e irmáns/ás.

• Por facer da idade máxima, agás incapacitados.
• Por cesar a incapacidade que outorga o dereito á pensión.
• Por adopción.
• Por contraer matrimonio, salvo excepcións.
• Por falecemento.
• Por comprobarse que non faleceu o traballador desaparecido.

Ascendentes e fillos e irmáns de pensionistas:

• Por contraer matrimonio.
• Por falecemento.
• Por comprobarse que non faleceu o traballador desaparecido.

Solicitude de prestacións de supervivencia.

Os documentos que se detallan no modelo de solicitude.

Nos centros de atención e información da Seguridade Social e nas oficinas do Instituto Social da Mariña (os traballadores do mar).

O recoñecemento do dereito á pensión corresponde ao Instituto Nacional da Seguridade Social ou ao Instituto Social da Mariña, para os traballadores do mar. Cando a morte se deba a accidente de traballo, poderá corresponder á Mutua de Accidentes de Traballo e Enfermidades Profesionais.

• O dereito á percepción da pensión non prescribe.
• Para os efectos dos accidentes de traballo e enfermidades profesionais, considérase que o falecido se atopaba en alta de pleno dereito na data do falecemento, aínda que o empresario cumprise coas súas obrigas. Cando o pai ou nai se encontrasen a cargo do falecido, recoñecerase ademais unha indemnización especial a tanto alzado de 9 mensualidades ou de 12, se son ambos, da base reguladora.
  
• Réximes especiais:
  • Réxime especial agrario
  • Réxime Especial dos Traballadores por Conta Propia ou Autónomos
  • Réxime Especial de Empregados do Fogar
  • Réxime Especial da Minería do Carbón
  • Réxime especial dos traballadores do mar.

Preguntas máis frecuentes