Seguridade Social

Protexer a situación de necesidade económica ocasionada polo   falecemento da persoa que orixina a prestación.

Persoas que tivesen vínculo matrimonial ou fosen parella de feito do falecido e non contraesen novo matrimonio:

• cónxuxe
• separados, divorciados e persoas cuxo matrimonio foi declarado nulo
• parella de feito no momento do falecemento.

Máis información sobre beneficiarios

Cumprirá acreditar un período de cotización, que variará segundo a situación laboral do falecido e da causa que determina a morte:

• En alta ou situación asimilada á alta, 500 días dentro dun período ininterrompido de 5 anos inmediatamente anteriores ao falecemento ou 15 anos ao longo de toda a vida laboral.
• En non alta: 15 anos ao longo de toda a vida laboral.
• Pensionistas: non se esixe período de cotización.

Non se esixe período previo de cotización, cando a morte se produce como consecuencia de accidente ou enfermidade profesional.

Ademais, será necesario acreditar unhas condicións específicas nos supostos de matrimonio, cando o falecemento se deba a unha enfermidade común anterior ao vínculo matrimonial; nos supostos de separación, divorcio e nulidade; e nos de parellas de feito.

Máis información sobre requisitos

A prestación económica calcúlase aplicando a porcentaxe do 52 % á correspondente base reguladora , que varía en función da situación laboral do falecido na data do falecemento e da causa que determine a morte. Cando o beneficiario ten cargas familiares e un determinado nivel de ingresos, a porcentaxe poderá aumentar ata o 70 %.

Cando non se acceda á pensión, por non acreditar o período de duración do matrimonio ou non ter fillos en común, aboarase unha prestación temporal durante dous anos, en contía igual á pensión de viuvez que lle correspondese.

Máis información sobre contías

• Causantes en alta, asimilada á alta ou non alta: día seguinte á data do feito causante, cando a solicitude se presente nos 3 meses seguintes á data do falecemento.
  
• Causantes pensionistas: día primeiro do mes seguinte á data do feito causante, cando a solicitude se presente nos 3 meses seguintes á data do falecemento.

Cando a solicitude se presente fóra dos 3 meses seguintes á data do falecemento, terase dereito á percepción cunha retroactividade máxima de 3 meses á data de solicitude.

A pensión abóase mensualmente, con dúas pagas extraordinarias nos meses de xuño e de novembro, quitado as pensións de accidente de traballo e enfermidade profesional, que se reparten entre as doce mensualidades ordinarias.

A pensión ten contías mínimas garantidas e revalorízase ao comezo de cada ano.

A pensión está suxeita ao imposto sobre a renda das persoas físicas (IRPF).

• A pensión será compatible coas rendas de traballo do beneficiario e coas pensións de xubilación e incapacidade permanente ás que puidese ter dereito.
  
• Cando o causante estivese de alta na data do falecemento, a pensión de viuvez será incompatible co recoñecemento doutra pensión de viuvez en calquera dos réximes da Seguridade Social, agás que as cotizacións en cada un dos réximes se superpuxesen, polo menos, durante 15 anos.
  
• A pensión de viuvez que se manteña, aínda que se contraese novo matrimonio ou se constituíse parella de feito, será incompatible coa nova pensión de viuvez que puidese xerarse como consecuencia do falecemento do novo cónxuxe ou parella de feito. Nese caso deberá optar por unha delas.

Máis información sobre compatibilidades/incompatibilidades

• Presentación de solicitude: non existen prazos.
  
• Resolución do expediente: 90 días desde a data de presentación da solicitude. Actualmente, o prazo medio é de 13 días.

• Por contraer novo matrimonio ou constituír parella de feito, agás excepcións.
• Por declaración de culpabilidade en sentenza firme da morte do causante.
• Por violencia de xénero.
• Por falecemento.
• Por comprobarse que non faleceu o traballador desaparecido.

Solicitude de prestacións de supervivencia.

Os documentos que se detallan no modelo de solicitude.

Nos centros de atención e información da Seguridade Social e nas oficinas do Instituto Social da Mariña (os traballadores do mar).

O recoñecemento do dereito á pensión corresponde ao Instituto Nacional da Seguridade Social, ao Instituto Social da Mariña (para os traballadores do mar) e á mutua de accidentes de traballo e enfermidades profesionais (cando a morte se deba a accidentes de traballo).

• O dereito a percibir a pensión non prescribe.
  
• En caso de divorcio, cando haxa máis dun beneficiario, a contía da prestación será proporcional ao tempo de convivencia matrimonial, garantíndose o 40 por cen a favor do cónxuxe supervivente. 
  
• Pensión de viuvez en supostos de violencia de xénero.
  
• Aos efectos de accidentes de traballo e enfermidades profesionais, considérase que o falecido se atopaba en alta de pleno dereito na data do falecemento, aínda que o empresario incumprise as súas obrigas. Recoñécese  ademais, unha indemnización de 6 mensualidades da base reguladora.
  
• Réximes especiais:
  
  • Réxime especial agrario
  • Réxime Especial dos Traballadores por Conta Propia ou Autónomos
  • Réxime Especial de Empregados do Fogar
  • Réxime Especial da Minería do Carbón
  • Réxime especial de traballadores do mar

Preguntas máis frecuentes