Seguridade Social

A prestación por paternidade protexe o dereito do outro proxenitor, distinto ao que xerou o dereito á prestación de maternidade, a percibir un subsidio durante os días de suspensión do contrato de traballo en caso de nacemento de fillo, adopción ou acollemento.

A prestación económica consiste nun subsidio equivalente ao 100% da base reguladora correspondente á prestación de Incapacidade temporal por continxencias comúns.

Terase dereito ao subsidio:

• Dende a finalización do permiso retribuído por nacemento do fillo, ou dende a resolución xudicial pola que se constitúe a adopción, ou a partir da decisión administrativa ou xudicial de acollementeo, adopción ou acollemento.
• Ata que finalice o descanso por maternidade ou inmediatamente despois deste, sempre que se goce do descanso correspondente

Máis información sobre o inicio da prestación

O período máximo de duración será de ata:

• 13 días ininterrompidos, ampliables en 2 días máis por cada fillo a partir do segundo, nos supostos de parto, adopción, acollemento múltiples.
• 20 días, cando o novo nacemento, adopción ou acollemento se produza nunha familia numerosa ou que adquira, por este feito, esta condición, ou cando na familia existise unha persoa con discapacidade en grao igual ou superior ao 33 por cento. Ampliarase en 2 días máis por cada fillo a partir do segundo, no suposto de parto, adopción ou acollemento múltiples.
• 20 días, cando o fillo nacido, adoptado ou acollido teña unha discapacidade de polo menos un 33 por cento.

Poderase gozar en réxime de xornada completa ou parcial un mínimo do 50%, previo acordo co empresario, e é compatibe e independente do goce compartido dos períodos de descanso por maternidade.

Máis información sobre a duración

En caso de parto, o goce do descanso por paternidade correspóndelle en exclusiva ao outro proxenitor.

No suposto de adopción ou acollemento corresponderalle só a un dos proxenitores a elección dos interesados se os dous traballan.

Máis información sobre beneficiarios

• Estar afiliados e en alta ou en situación asimilada á alta.
• Ter cuberto un período de cotización de 180 días dentro dos 7 anos inmediatamente anteriores á data de inicio da suspensión de contrato, ou alternativamente 360 días cotizados ao longo da súa vida laboral, con anterioridade á mencionada data.

Máis información sobre requisitos

INSS ou ISM 

Non é necesaria a presentación dun modelo oficial pero resulta conveniente a súa utilización: solicitude de paternidade.

Xeral para todos os casos: a documentación acreditativa da identidade do traballadore e a relativa á cotización.

Máis información sobre documentación

O prazo máximo para resolver e notificar o procedemento iniciado será de 30 días que se contarán dende a data na que a súa solicitude tivo entrada no rexistro da Dirección Provincial do INSS correspondente.

O dereito ao recoñecemento da prestación prescribe aos 5 anos, contados dende o día seguinte á do feito causante, sen prexuízo de que os efectos deste recoñecemento se produzan a partir dos 3 meses anteriores á data da solicitude.

Máis información sobre prazos

• Réximes especiais

Preguntas máis frecuentes