Seguridade Social

A pensión de xubilación é unha prestación económica incluída en todos os réximes do Sistema da Seguridade Social que trata de substituír as rendas do traballo por unha pensión vitalicia, única e imprescriptible, cando o traballador a causa da idade cesa total ou parcialmente na súa actividade laboral.

As persoas incluídas en calquera réxime da Seguridade Social, afiliadas, que reúnan os requisitos establecidos de idade, período mínimo de cotización e feito causante.

Máis información verbo de beneficiarios

• Idade: Ter cumpridos 65 anos, agás excepcións.
  
• Período mínimo de cotización: quince anos, dos cales, polo menos dous deberán estar comprendidos dentro dos quince anos inmediatamente anteriores ao momento de causar o dereito.
  
• Feito causante:
  Traballadores en alta: O día do cesamento na actividade.
  Traballadores asimilados á alta: o día de presentación da solicitude (agás en excedencia forzosa), o día do cesamento no cargo e no caso de traslado fóra do territorio nacional, o día do cesamento no traballo.
  Traballadores en non alta: O día de presentación da solicitude.

Máis información sobre requisitos

A contía da pensión está determinada pola base reguladora que é o cociente que resulte de dividir por 210 as bases de cotización do interesado durante os 180 meses inmediatamente anteriores ao do mes previo ao do feito causante actualizadas e a porcentaxe que se aplica á mesma en función dos anos cotizados.

Traballadores en alta: desde o día seguinte ao cesamento na actividade, cando a solicitude se presente dentro dos 3 meses anteriores ou posteriores ao cesamento. Noutro caso, terase dereito á percepción cunha retroactividade máxima de 3 meses desde a data de presentación da solicitude.

Traballadores en situación asimilada á alta ou que non estean en alta: Dende o día seguinte ao de presentación da solicitude, agás nalgunhas situacións asimiladas á alta, nas que contará dende que se produza o feito causante.

Máis información sobre efectos económicos

A pensión abóase mensualmente con dúas pagas extraordinarias que se devindican coa mensualidade de xuño e de novembro.

A pensión de xubilación ten garantidas contías mínimas, así como a súa revalorización ao comezo de cada ano, de acordo co IPC previsto para ese ano.

A pensión de xubilación está suxeita ao imposto sobre a renda das persoas físicas (IRPF).

Máis información sobre pagamentos

A percepción da pensión de xubilación é incompatible coa realización de traballos por conta propia ou allea, ou coa realización de actividades para as Administracións Públicas, que dean lugar á súa inclusión nun Réxime da Seguridade Social, agás na xubilación parcial e na xubilación flexible. Non obstante o anterior, poderá compatibilizar a percepción da súa pensión coa realización de:

• Traballos por conta propia, polos que perciba uns ingresos anuais que non superen o salario mínimo interprofesional en cómputo anual.
• Traballos a tempo parcial, coa consecuente minoración da pensión en proporción inversa á redución aplicable á xornada de traballo

Como pensionista está obrigado, antes de iniciar as actividades, a comunicar tal circunstancia á entidade xestora respectiva. 

A tramitación da pensión de xubilación deberá resolverse e notificarse ao interesado nun prazo máximo de 90 días. (Actualmente o prazo medio é de 19 días).

Ao ser unha pensión vitalicia só se extingue coa morte do beneficiario.

Solicitude da pensión de xubilación.

A documentación que se debe presentar para o trámite da pensión está detallada no modelo de solicitude.

Nos Centros de Atención e Información da Seguridade Social.
Os traballadores do mar nas oficinas do Instituto Social da Mariña.

A xestión e o recoñecemento do dereito á pensión de xubilación corresponde ao Instituto Nacional da Seguridade Social, agás os traballadores incluídos no campo de aplicación do Réxime Especial do Mar que corresponde ao Instituto Social da Mariña.

Xubilación anticipada por razón do grupo ou actividade profesional
Xubilación anticipada de traballadores discapacitados
Xubilación anticipada por ter a condición de mutualista antes do 1-1-1967
Xubilación anticipada sen ter a condición de mutualista antes do 1-1-1967
Xubilación flexible
Xubilación parcial
Xubilación especial aos 64 anos
Particularidades dos Réximes Especiais

Pódese ter dereito dereito a pensión de xubilación en varios réximes da Seguridade Social se se reúnen os requisitos esixidos en cada un deles. No caso de acceder á pensión dende a situación de non alta, é necesario que as cotizacións acreditadas en cada réxime se superpoñan, polo menos, 15 anos.

Programa de Autocálculo de pensión de xubilación

Preguntas máis frecuentes