Seguridade Social

O empresario está obrigado a comunicar á Tesourería Xeral da Seguridade Social as variacións seguintes:

• Cambio de nome da persoa física ou da denominación da persoa xurídica.
  
• Cambio de domicilio.
  
• Cambio de entidade que cubre as continxencias de accidentes de traballo e enfermidades profesionais e, no seu caso, a prestación económica por incapacidade temporal.
  
• Cambio de actividade económica.
  
• Calquera outra variación que afecte aos datos declarados con anterioridade respecto da inscrición da empresa ou apertura de Conta de Cotización.

De igual forma os empresarios comunicarán a extinción da empresa e/ou o cesamento temporal ou definitivo da súa actividade.

Será considerado en situación de baixa temporal o empresario ou, no seu caso, a conta de cotización do mesmo, respecto dos cales se comunicase a baixa de todos os seus traballadores sen poñer en coñecemento da Tesourería Xeral da Seguridade Social ou Administración da mesma a extinción da empresa, ou o cesamento na actividade.

Transcorridos doce meses sen demostrar a súa continuidade, iniciarase expediente de oficio para que, en base ás alegacións do empresario debidamente xustificadas ou dos demais feitos acreditados no mesmo, se adopte a resolución que proceda sobre a extinción ou o cesamento, ou sobre a continuidade da empresa.

Tanto as variacións de datos como a extinción ou cesamento comunicaranse no modelo TA.7 "Conta de Cotización" no prazo de seis días naturais seguintes a aquel en que se produzan.

O cambio de entidade que cubra as continxencias de accidentes de traballo e enfermidades profesionais e/ou, no seu caso, a prestación económica por incapacidade temporal presentarase cunha antelación de dez días naturais á súa efectividade.